ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A banda deseñada resistiu ben ao confinamento, afirma o deseñador e ilustrador gráfico Antonio Seijas. As vendas de libros en xeral baixaron, pero os cómics mantivéronse.“O meu traballo é desde a casa, non variou moito a miña rutina, pero tiven unha tempada na que non me puiden concentrar aínda que logo comprendín que había que transcender o momento”. Seijas elabora unha adaptación á novela gráfica do relato de Xabier P.Docampo “Cando petan na porta pola noite”. Ven de rematar a ilustración dun álbum para Galaxia e outro para a Oficina de Consumo da Coruña.
“Apenas hai banda deseñada para a rapazada, é unha cousa moi buscada polas editoriais” indica o ilustrador que participou no programa especial de Radio Fene Radiofusión emitido desde Redes contando coa colaboración da agrupación Instrutiva de Caamouco o sábado 27 de marzo de 2021.
Alita Cómics publicou A Chaira nun duplo lanzamento en galego e en castelán con preto de 90 páxinas a cor. O autor apunta que a obra é unha "pequena fábula" na que a contorna ten máis peso que os propios protagonistas da historia. "A chaira é un estado mental, un estado do espírito, onde os silencios son tan importantes como as palabras e a paisaxe é a verdadeira alma da historia".
Publica o teu comentario agora