O Pazo de Barallobre construiuse en 1591 por Fernando de Lago e Obaña. A familia Lago, Moscoso e Jaspe viviu durante catro séculos na histórica edificación. Un dos seus membros foi o pintor Antonio Jaspe Moscoso, quen tamén exerceu como correspondente do xornal "La Ilustración Gallega y Asturiana" na visita a Galicia do rei Alfonso XII. O pazo derrubouse antes das primeiras eleccións municipais democráticas de 1979, ainda que permanece na lembranza de boa parte da cidadanía de Barallobre en particular, e de Fene en xeral. Somentes sobreviviu o piñeiro e máis o escudo señorial colocado nas inmediacións do Centro Integrado de Formación Profisional. Agora impulsan a exposición a Liga de Amigos de Barallobre, Radio Fene e o Concello de Fene.