O concerto, completamente gratis, celebrarase a partir das once da noite do xoves dia 30 do presente mes de abril, na explanada da piscina cunha sucesión de actuacións de primeiro nivel durante unha noite única na que, ademais de Bisbal, Baute, Marta Sánchez ou Bustamente, tamén estarán cantando en directo acompañados por Panorama, outros grupos como OBK, Kiko e Sara, Mario Mendes, Melocos, Astarot ou BnK, grupo que ofrece tan só dous concertos en España (Alacant e Ordes).

Todos eles unirán esforzos para recaudar fondos para a loita contra o cancro grazas á venda do DVD que se comercializará durante toda a xira da orquesta Panorama e que poderá ser adquirido en diferentes puntos de venda a dez euros. Ademais, tamén se poñerán á venda camisetas a cinco euros.