No Certame de Pintura Rápida os artistas teñen que realizar a súa obra nun horario marcado en plena rúa. “É unha experiencia moi gratificante polo contacto coa xente que ve cómo traballas e o progreso paulatino da obra” afirma Seijo.

Non é novo este tipo de certames na rúa e coas horas contadas, pero a Seijo e ao conxunto dos participantes a cidade de Pontevedra parécelles o lugar perfecto para esta modalidade. “Os artistas saímos moi contentos da cita e eu volverei o ano que ven ainda que fora de concurso, porque hai unha lei non escrita no mundo das belas artes que impide á persoa gañadora dun certame, presentarse á seguinte edición” manifesta Beatriz, mentras continua a traballar no seu estudo de Santiago de Compostela. “O meu proxecto é pintar, pintar e pintar” conclue.