Camariñas e nomeadamente a aldea de Arou, teñen especial importancia na súa “mochila” musical xa que empezou tocando e cantando en agrupacións tradicionais pero, sobre todo, aprendendo das cantigas das súas avoas, naturais desa aldea camariñán de Arou. 

Belém é cantante, compositora e especialista en musicoterapia, ten estudios clásicos de violoncello no Conservatorio da Coruña e tamén de gaita no Conservatorio de Carballo. Pero, sobre todo, ten unha das voces máis interesantes do panorama musical galego, doce e poderosa ao tempo e coa que é quen de reflictir a súas influencias dun lado e doutro do atlántico e mesturalas coa presenza dun mar moi presente. 

A súa voz está presente en proxectos grupais ben coñecidos e exitosos, como Luar na Lubre, Aliboria ou Moura, aínda que a súa faceta de cantante en solitario sempre estivo presente. Belem Tajes está agora presentando o que é o seu primeiro longa duración en solitario, un disco que vai máis alá para converterse nun proxecto musical.

Nós tamén imos amar o mar.

Imaxe: Belem Tajes