A berenxena que trouxeron os árabes

A berenxena que trouxeron os árabes
08 de Maio, 2021 - 08:00 h. | Publicada por Radio Fene

Planta solanácea con froitos a modo de ovos cilíndricos de cor morada. Alguén comparounas acertadamento cun badalo de campá.

A súa orixe está no sudeste asiático e chegan a nós a través dos árabes. Como é froito de secura, prenderon ben na Mancha e nas terras andaluzas. Casan con todo, como as patacas. Córtanse coa pel en rodas e sálgamnse. Para que non se poñan negras, unha vez cortadas, pódeselles botar ou empapalas en leite. Están boas, tanto na grella como fritidas ou envoltas en fariña e ovo, fritidas en aceite moi quente. Hai quen as parte á metade lonxitudinalmente e as rechea con carne, bonito ou queixo e as gratina ao forno. A berenxena tamén guisa ben coa carne, en pistos.

Son as protagonistas na escalivada que fan os cataláns, na musaca grega e na ratatuille francesa. Fomos nós os que as levamos a América onde son moi apreciadas.

Preparamos a escalivada:

A escalivada é unha suma de verduras asadas ao forno. A berenxena, o pemento vermello, a cebola e o tomate son os protagonistas deste plato. A palabra escalivada significa en catalán, asar nas brasas. Así se facía e fai aínda pero, a falta de brasa, tiramos de forno. Para 4 persoas precisamos: 1 Berenxena, 1 Pimiento rojo, 2 Cebolas, 1 Cabeza de allo, 3 Tomates, Aceite de oliva virxen extra e sal grosa.

Colocamos todas as verduras nunha bandexa para forno, agás os  tomates, e regámolas cun pouco de aceite de oliva virxen extra. Introducimos a bandeja no forno prequentado a 170ºC durante unha hora. Volteamos as verduras e incorporamos os tomates á bandexa e asamos 30 minutos máis. Retiramos a bandexa e deixamos arrefriar para poder retirar a pel ao pemento e á berenxena. Cortamos e dispoñemos todos os ingredentes nun prato e botamos por riba o sal groso e o xugo do asado.

Cultura

Publica o teu comentario agora