A compañía Tarabelos, dedicada principalmente ao teatro infantil, será a encargada de levar adiante unha particular visión do conto do Gato con botas, que leva por título “¿A qué cheiran os contos?”. A función comezará mañá mércores ás 18.00 horas no Salón de Actos da Biblioteca de Xermade e está dirixida a nenos menores de 7 anos.

No mesmo lugar, pero o próximo sábado 24 de outubro ás 12.30 horas, será Migallas Teatro quen faga as delicias de cativos e familia coa súa obra “Canta Contos”. Esta compañía galega amosará a súa propia versión de contos tradicionais ou textos de creación propia arranxados con cancións, música ou sons para espertar emocións nos pequenos.

Día Internacional das bibliotecas

Ademais, desde a biblioteca pública de Xermade celebrarase especialmente o Día Internacional das bibliotecas, que terá lugar o sábado 24 de outubro. A maiores da programación da obra de Migallas Teatro, desde a dirección do centro se invitará  a todas as persoas que visiten o edificio a ollar todos os servizos da biblioteca e darlles unha orientación acerca da súa páxina web e do seu catálogo.