De Fene a Ortigueira hai miradoiros naturais e outros feitos pola man do home que pagan a pena porque ofrecen as mellores vistas. Coto do Rei en Fene, o monte máis alto de toda a contorna ofrece grandes vistas da ría de Ferrol, da de Ares ata Coruña e sen néboa ata se pode ver a praia da Frouxeira, en Valdoviño. Ancos, en Neda, é outro mmiradoiro desde o que se aprecia dende a desembocadura do Xubia ata a entrada da ría de Ferrol. Ares conta co mmiradoiro da Bailadora. Non moi lonxe de Montefaro, e a escasos metros do mar, temos outro mmiradoiro, o das Baterías de Punta Segaño, desde o que se divisa ata a Torre de Hércules. Monte Ventoso, na zona de Ferrol; en Narón o Mmiradoiro do Esperón e Lagoela. O miradoiro do Pico Castro, en Cabanas. O de Chao do Monte, en Cedeira, que nos deixa ver a aldea de Santo André de Teixido, as illas Gabeiras ou os cantís de Herbeira. Tamén o Mmiradoiro dos Carrís e, xa en Ortigueira, temos o Mmiradoiro do Coitelo, onde está o famoso mellor banco do mundo, dende o que podemos observar Cabo Ortegal e Estaca de Bares.