Algúns dos convidados interpretarán en Boimorto unha mostra do folclore da cultura que representan. Estableceuse liberdade para que calquera que queira participar poida facer o seu comunicado que será entregado a todos os participantes. Cabe desde unha opinión razoada sobre cuestións antropolóxicas, etnográficas, musicais... ata unha análise dunha canción deste tempo de Reis ou calquera aspecto que se xulgue interesante e teña a ver co tema.

O Concello de Boimorto publicou xa un libro cd con recollas de cantares de toda Galicia e posteriormente editouse un cd con cantos de Nadal e Reis gravado polas cuadrillas participantes na mostra.