Tamén estará presente na Coruña Adam Raga, ausente nas dúas anteriores citas por unha lesión nun xeonllo. A lista de favoritos aos postos de honra féchanna Jeroni Fajardo e Dani Oliveras, que porán toda a emoción no seis zonas preparadas pola organización (incluída a clásica fervenza de auga).
As entradas están á venda nas páxinas web de atrapalo, tictacticket, Caixa Galicia e Carrefour. Tamén se poderán adquirir nos despachos de billetes do Pavillón Riazor o mesmo día do evento, se aínda quedan entradas dispoñibles. Do mesmo xeito que na edición anterior, o Trial Indoor da Coruña ten un fondo solidario e colabora coa ONG SOS Aldeas Infantís cunha iniciativa que, ademais, pretende achegar a cultura aos lugares máis desfavorecidos do mundo. Aproveitarase o trial para a recollida de libros: por cada libro infantil que se entregue no despacho de billetes, recibirase a cambio unha entrada para menores. O pavillón de Deportes de Riazor estreará para o evento unha serie de reformas realizadas no seu interior.