Laméntanse amargamente que o tipo de macro-concertos tan de moda non fomenten a interacción cos grupos e a fluidez que se produce cando un grupo no escenario conecta co público que escoita, e que neles primen os intereses económicos e non os musicais. 

Pablo, Chelen, Óscar e Jetu, son os compoñentes de Bule, e, aínda que a banda comeza a súa andaina en 2017, todos eles teñen unha ampla experiencia musical en grupos como Weather Underground, Lost Psychotics, Zinza, Arenga, V de Burro, e algúns máis. 

Neste ano publicaron o seu primeiro longa duración, “Agora ou nunca”, un disco no que traballaron con intensidade porque quixeron coidar o resultado de principio ao fin. Agora están a presentalo nunha xira de concertos que se prolongará ata o inverno. Por suposto, nos seus concertos...non vale parar.

Imaxe: Lorena Teijeiro