A mostra coincide co peche definitivo do centro psiquiátrico de Castro de Rei, inaugurado en 1953 e construído seguindo o modelo do labirinto panóptico (a cadea perfecta). Entre Marbella e Torremolinos (imaxes de manicomio) permítenos reflexionar sobre a exclusión, os estigmas, o esquecemento, a desesperación ou o afastamento.

Xunto coa mostra fotográfica proxéctase un documental de 30 minutos de duración. O vídeo pódese visualizar en todos os museos dependentes da área de Cultura e Turismo da Deputación de Lugo, sempre ás cinco da tarde. Púxose ademais en marcha, de xeito paralelo á exposición, un programa de actividades complementarias que inclúe conferencias, mesas redondas, obradoiros e visitas guiadas.