2025 ten sido recoñecido como Ano Castelao en celebración do 75 aniversario do pasamento de Castelao, seguramente unha das figuras máis representativas da nosa sociedade e que o é, ademais, en moitos aspectos. Porque Castelao é unha figura poliédrica que vai mais aló do debuxante, do narrador e ensaísta, do activista político e criador de doutrina, unha figura que compre redescubrir e poñer en valor. Ademais de homenaxes institucionais, máis ou menos inspirados, o mundo académico, literario e editorial toman parte neste recoñecemento a través de traballos tan rigorosos e, ao tempo, tan afectivos como o asinado por Pilar Garcia Negro “Arredor de Castelao no século XXI”, unha reedición dun traballo presentado en 2001 pola autora a través de Promocións Culturais Galegas que hoxe reedita Edicións Laiovento.