ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Cando unha persoa é maior? Aos sesenta e cinco, aos setenta e cinco, aos oitenta e un anos? Cando é un ancián? Posiblemente sexa un límite convencional. Debemos ter en conta o incremento da lonxevidade humana á hora de falar de avellentamento. A xente vive máis tempo que nunca, o cal é un indicador de progreso, un triunfo social e individual que debera de invitarnos ao optimismo. Destes e doutros temas fálase no libro “A morte de Galicia”. Conversamos no clube de lectura de Radio Fene Radiofusión con Miguel Rodriguez, Divina Arnoso, Antía Pérez Caramés, Isidro Dubert.
Unha nova onda migratoria de mozos e mozas ben formados que a partir aproximadamente de 2002, encamiñan os seus pasos cara a Alemaña, Suíza, Francia, Reino Unido ou EEUU, segue as mesmas rutas de saída que marcaron os seus avós e pais durante a vaga de 1950 - 1970. Ata 2015 marcharon de Galicia, 380.000 persoas. Ao mesmos tempo, a capacidade de captación de inmigrantes foi moi baixa, aínda nos anos de bonanza económica. En 2007 só arredor do tres por cento da poboación galega é inmigrante, as mesmas porcentaxes que na actualidade. Para o catedrático Isidro Dubert, as políticas de fomento do retorno inmigrante anunciadas pola Xunta de Galicia están destinadas ao fracaso. Primeiro habería que criar as condicións para que a mocidade non teña que emigrar.
Avellentamento
Dende xullo de 2017 o barómetro do CIS é reiterativo, pois sitúa como principal problema da poboación española o desemprego (65%) e moi lonxe temas como a corrupción (31,6%) os políticos (27%) ou a crise económica ((23,4%). No barómetro de outubro, segue sendo o paro o principal problema para o 56% da cidadanía. Non aparece nin o reto demográfico nin o avellentamento.Segundo a socióloga Antía Pérez Caramés -outra das autoras do libro A morte de Galicia, o pensamento neoliberal atopa no declive da poboación e no avellentamento soportes argumentais para construír un discurso demográfico que pasa polos recortes dos dereitos sociais e o fomento da privatización dos servizos públicos. A socioloxía amosa que muller galega quere ter dous fillos. Non os ten por tres causas que teñen que ver coa conciliación da vida familiar e laboral, a corresponsabilidade da parella no coidado da rapazada e o emprego.
Pese a esa evidencia, a demografía “apocalíptica” predica a volta ao vello natalismo nas políticas públicas. É unha maneira de achacar o “atraso económico” á estrutura demográfica. Fronte a este razonamento, outros teóricos engaden os movementos migratorios como un factor que, ademais do incremento da esperanza de vida e da caída da fecundidade, tamén inflúe no proceso de avellentamento.
Publica o teu comentario agora