“Mal de moitos” é o debuxo gañador do 1º Premio Curuxa 2024, obra de Adrián Dopico López. O 1º Premio Curuxa Nova gañouno Lucas Sixto Carballeira co debuxo “Dieta do futuro”. Iván Mata Tamayo fíxose co 1º Premio na categoría Caricatura por un traballo presentado co título “Yolanda Díaz”.

O alcalde de Fene, Juventino Trigo, e o concelleiro de Cultura, Justo Ardá, serán os encargados de entregarlles os Premios Curuxa 2024 nun acto que comezará ás oito da tarde na Casa da Cultura. Os debuxos premiados e unha selección das obras participantes na edición deste ano quedarán expostas ata finais de mes. O acto completarase co primeiro do ciclo de monólogos “Novembro, Mes do Humor”. Pepo Suevos abrirá o ciclo co espectáculo titulado “A caída”.