Os panadeiros de Neda son os os principais subministradores de pan á comarca, destaca o alcalde Ángel Alvariño que sinala o bo facer transmitido de xeración en xeración como unha das claves da sona do pan de Neda, que ben merece unha festa. Actualmente quedan trece fornos no concello, non todos a pleno rendemento. 

O seu produto estrela celébrase cunha nova edición da Festa do Pan, prevista para o domingo, que xa ten actividades nas xornadas previas, como a Noite de Bolos, prevista para o sábado á noite.  Pan, empanadas, doces son o gran reclamo dunha festa que 

terá como pregoeiro ao director de Navantia Ferrol, o nedense Eduardo

Dobarro. Airiños de Fene, a Charanga da Carmiña e os cabezudos da Piruchela poñerán animación nas rúas e o espectáculo “Levaino “ de Xurxo Fernándes poñerá o peche á Festa do Pan de Neda.