Conservas de peixe, lentellas, aceite, arroz, fariña, útiles escolares e medicamentos e máis equipamento médico son parte do contido do camión que sae hoxe dende Narón de axuda ao povo saharui. Estas aportacións dos colexios, empresas e particulares de Ferrolterra  farán un longo percorrido. Chegarán a Porriño con destino Alacante. Na cidade levantina xuntaranse co resto de axudas doutros puntos do España. Os saharauis desfrutarán destes agasallos a finais de ano.

Segundo Maite Martínez, da Asociación de Amistade co Povo Saharaui, obtiveron unha gran resposta da comarca de Ferrolterra. A iniciativa “Vacacións en paz”, coa que se acolle a moitos nenos e nenas saharuis durante os meses de xullo e agosto mentaliza á xente nesta problemática. A sociedade implícase moito, aínda que a axuda nunca é suficiente, afirma Maite Martínez.

Tras o Ramadán as necesidades fanse máis imperiosas ao estar máis debilitados. Tiñan moitas necesidade de alimentos, de produtos básicos como lentellas ou aceite. A caravana levará ao Sahara esta axuda pero tamén ledicia e un anaco de benestar.