Apaixoada da pintura, Mercedes Pico participou hai tres anos nos cursos da escola municipal de cerámica de Ferrol. Baixo a dirección do mestre Francisco Pérez Porto aprendeu as técnicas da modelaxe e da pintura cerámica de moldes. Mercedes Pico está moi agradecida ás ensinanzas de Pérez Porto porque lle abriron un camiño artístico ata entón descoñecido para ela. As súas criacións poden contemplarse na Casa da Cultura de Fene até o 6 de xaneiro.

O horario de visitas será de luns a venres, de 10.00 h. a 13.00 h. e de 16.00 h. a 21.00 h., e os sábados de 10.00 h. a 13.00 h.