O concelleiro valora moi negativamente a resolución publicada onte no BOE onde se daba conta da decisión do Ministerio de aprobar esta obra que proxecta ampliar a ponte de Rande e dotar a vía dun terceiro carril a Teis.

Unha actuación que afecta directamente ao Redondela, xa que se prevé ampliar a autoestrada en Chapela coa expropiación de sete metros para construír os novos carrís. Unha afección que Carlos Pazos cualifica de “moi negativa nunha parroquia moi afectada xa polos infraestructuras”

Dende o ministerio arguméntase como xustificación para a realización desta obra o feito de que pola ponte pasan a diario preto de 50.000 vehículos. Dende Redondela, o concelleiro de medio ambiente entende que a ampliación lonxe de resolver os embotellamentos aínda os vai incrementar dado que se fará un funil na entrada a Vigo e na saída no Morrazo. Propón como única solución posible para axilizar o tráfico á cidade a construcción da autovías Vigo-Pontevedra.

Unha vez superado o trámite ambiental, logo de que o ministerio que dirixe Elena Espinoso teña eximido a obra da avalición de impacto, aínda queda por determinar o seu financiamento que deberán negociar Fomento e a concesionaria da autoestrada, Audasa.