Reducir esas altas cifras de doentes sen diagnosticar é un dos obxectivos que se marcan as VII Xornadas sobre Párkinson, que se celebran en Pontevedra este venres e sábado. A cita, organizada pola Asociación Párkinson Galicia-Bueu, dirixiuse tradicionalmente aos propios enfermos, familiares e coidadores. Porén, esta edición presenta dúas novidades: por unha banda, amplíase a oferta de público convidando a profesionais e, pola outra, inclúense outras disciplinas máis alá da neurolóxica. Así, organizaranse sesións informativas e formativas sobre logopedia, nutrición, fisioterapia ou odontoloxía, especialidades que poden mellorar a calidade de vida dos afectados polo Párkinson. Asemade, os médicos de atención primaria terán un protagonismo especial nestas VII Xornadas, xa que os organizadores marcáronse o fin ampliar o coñecemento deste trastorno entre os profesionais que teñen un contacto máis directo con estes enfermos.