“Queríamos homenaxear a estes dous persoeiros e tamén aos nosos clientes regalándolles unha obra”, explica o responsable de Alita Cómic, Juan Carlos Sanmiguel, quen conta con dous establecementos na cidade da Coruña. Comezaron a distribuír In Memorian coincidindo co Día Internacional do Libro e continuarán noutras celebracións sinaladas, como as Letras Galegas ou o Salón Viñetas desde o Atlántico. Nesas datas, regalarán un volume a todos aqueles que realicen unha compra.

A homenaxe a Tezuka e Castelao tamén se pode adquirir, a cambio de dous euros, solicitándoa no correo shop@alitacomics.com.