A Fundación Artabria convoca un pasarruas lúdico e reivindicativo por un Ferrol en galego. A entidade conmemora os 11 anos da súa existencia cunha marcha cívica que partirá da praza do Hino Galego ata a Praza de Armas. Desenvolveráse o vindeiro venres 25 de setembro ás oito da tarde. Artabria convida aos colectivos e movementos sociais da cidade a aderirse a esta iniciativa. Segundo indican, a veciñanza de Ferrol non está disposta a ver como o galego esmorece sen que as institucións públicas tomen medidas para evitalo. Os convocantes sinalan que no caso de Ferrol, se rexistran incumprimentos de normas aprobadas no seu dia por unanimidade.