A categoría do Perlío e do Maniños

A categoría do Perlío e do Maniños
24 de Xuño, 2024 - 12:10 h. | Publicada por Radio Fene

A Federación Galega de Fútbol  comeza a traballar esta semana para definir os grupos da Primeira e da Segunda Galicia. Perlío e Maniños non saben se terán que xogar con equipos de Lugo ou da Coruña. Da comarca de Ferrol participarán tamén nesta categoría o Eume, As Pontes, Cedeira, Numancia de Ares, Galicia de Caranza e Valdoviño. Os clubs están de momento nun mar de dúbidas sobre o grupo no que lles vai tocar participar. 

Fotografia Xan Xe

Na tempada 2023-2024, a Primeira Galicia dividiuse en cinco grupos. Os equipos de Ferrol e A Coruña formaron o primeiro grupo que empezou con dezaoito conxuntos, pero acabou con dezasete ao retirarse o Laracha. Antes do quince de xullo saberase a composición dos grupos da Primeira e da Segunda Galicia. A Terceira Galicia deberá aínda agardar. Por esa data finalizará o período de inscrición. Unha vez coñecido o número exacto dos equipos inscritos definiranse os grupos, segundo comunican dende a federación.

 

Imaxe: Perlío - Maniños 18-02-2024

Fotografía Xan Xe

Deportes

Publica o teu comentario agora