Como en anos anteriores, establecéronse prezos populares de dez euros por persoa para participar na cea, que, ademais, inclúe unha actuación musical e un baile. As interesadas deberán dirixirse, unha vez feito o correspondente ingreso na oficina de Ares de Caixa Galicia, ás dependencias dos Servizos Sociais municipais, no número 81 da rúa Real, no seu horario habitual de atención ao público.  

O goberno local aresán destaca o importante número de mulleres emprendedoras existente neste municipio, ao tempo que subliña a súa máis que notable implicación no movemento asociativo e voluntario. Ademais, os responsables locales poñen de manifesto o feito de que sexan aínda moitas as mulleres que, a pesares de estar integradas no mundo laboral, seguen facendo fronte, e en numerosas ocasións en exclusiva, ao coidado dos seus respectivos fogares e familia.