Cen anos de festa

Cen anos de festa
05 de Agosto, 2022 - 12:10 h. | Publicada por Radio Fene

Tiruleque, Tanto nos ten e a Mekanika Rolling Band actuarán este ano na romaría do Pote de Maniños. A música comezará as sete da tarde do domingo 28 de agosto pero xa pola mañá haberá unha degustación de mexillóns da ría. Non se lanzarán fogos de artificio polo risco de lume. A Asociación prepara unha gran celebración da romaría para o ano 2023. Cúmprense cen anos desde a adquisición dos terreos para o campo da festa da parroquia. Tamén se fan noventa anos desde o inicio desta romaría peculiar polo seu carácter laico, ao non estar adicada a santo ningún.

ESCOITA O PODCAST:

Fotografía: Xan Xe Corral
Escoita ao presidente da ACRD O Pote de Maniños, Javier Rodriguez
http://173.255.131.18/audio/050822RODRIGUEZ.mp3

Fotografía Xan Xe

Este ano non se formou comisión organizadora e Maniños quedou sen festas patronais. Pero tal e como recollen os estatutos da sociedade, se non hai comisión é a propia entidade a que se encarga de organizar a tradicional romaría. “Agora poñen moitos problemas para organizar unhas festas, é necesario facer moito papeleo e moita burocracia, coller compromisos e iso bota para atrás á xente nova” indica o presidente do Pote Javier Rodriguez.

Sociedade

Publica o teu comentario agora