Ao seu xuízo as datas do Outlet de Fene, do 2 ao 4 de setembro, son idóneas. De volta das vacacións e a punto de comezar o curso escolar parece bo momento para apurar as compras aproveitando para adquirir a prezos inmellorables artigos que non foron despachados nas rebaixas. El Baúl de Bego ten previsto poñer en oferta tanto prendas de verán como tallas soltas de pretempada. Haberá roupa a 10 e 15 euros e deportivas a 25-30 euros. Begoña López comparte a preocupación que todos sentimos pola carestía da vida, que ten moito impacto no sector comercial, pero destaca, sobre todo, a fidelidade e o cariño da súa clientela que presenta un amplo rango de idade. De 14 a 80 anos. Unha estreita relación gañada a pulso nos case 5 anos que ten o seu establecemento, que traballa con marcas españolas e apoia a emprendedores galegos como Waves e Cabuxa.