O Círculo Mercantil de Fene sumouse desde o primeiro minuto á celebración do 17 de maio, Dia das Letras Galegas. Da man de Pérez Parallé, e coa colaboración de Enrique Mariñas —director entón de Radio Nacional na Coruña—, naceu a 'Ruta da Primavera': un programa cultural onde a música e a poesía, sempre con Rosalía como referente, foron as grandes protagonistas.

Desde entón, o Círculo celebrou esta cita de xeito ininterrompido. Polas súas salas pasaron voces imprescindibles da nosa cultura: nomes como Juan Naya, Filgueira Valverde, Carlos Casares, Victoria Armesto ou Aurora Marco, entre moitos outros. Como curiosidade, queda para a historia o ano 1971. Ramón Otero Pedrayo ía ser o convidado estrela, pero a saúde non llo permitiu. Iso si, non faltou a súa palabra: enviou o seu discurso manuscrito para que o propio Pérez Parallé o lese no seu nome. Unha crónica que hoxe recuperamos grazas ao traballo de Esperanza Piñeiro e Andrés Gómez no seu libro sobre a historia da entidade fenesa."

O Circulo Mercantil e Industrial Unidade de Fene celebrará asemblea xeral este sábado pola tarde. 

Na  imaxe presentación do podcast "Lobos doentes" de Radiofusión no local do CMI Unidade de Fene (21-10-2022)

Fotografía Xan Xe