“Nos coincidiu unha época complicada” comeza dicindo o dono de A Lela, Emilio Cortés. Bota a vista atrás para rememorar como foi este case primeiro ano aberto no que unha pandemia asolou o mundo e fixo que este parara por completo.

Pero sorprendentemente, esta tenda de alimentación de produción sustentable non parou. Ao vender bens de primeira necesidade, eles estiveron abertos durante o primeiro confinamento e, respectado todas as medidas de seguridade como é lóxico, chegaron á xente de Fene. Ao non poder saír do noso municipio, moitos buscaron en A’ Lela os produtos que necesitaban.

E iso entre os comerciantes se falaba. Emilio comenta que as tendas de roupa ou os bazares recuperaron parte de esa clientela que marchara fai tempo ás grandes superficies. E despois de probar o comercio local, moitos quedaron prendados da calidade, do servizo ou de ambas e agora son clientes fieis.

Quizais isto foi pola filosofía desta tenda. A’ Lela defende o consumo sustentable ante todo. “Os produtos son de preto, para reducir a contaminación dos transportes” pon como exemplo Emilio. A súa tenda cumpre un ano en Fene o vindeiro 16 de xaneiro.