“Todo o mundo pode practicalo, tamén as persoas de idade máis avanzada, de feito, hai algúns que llo recomendou o médico para ganar masa muscular, que se perde cos anos”, explicou a Radio Fene Iban Mourente. “Eu deixei de xogar ao fútbol aos 33 anos, un dia David animoume a probalo e encantoume, empezamos hai cinco anos e hai dous decidimos montar aquí o box”, lembra. Logo de facer os cursos que os habilitan para dar a formación abriron as instalacións do seu ximnasio onde adestran persoas que antes practicaron fútbol, baloncesto ou piragüismo, pero tamén está indicado para quen nunca fixera deporte. “Temos xente de entre 12 e 68 anos” en Galician Crosstraining e as mulleres son maioría, “o 60% das persoas que veñen”. “É unha mestura de varios deportes, halterofilia olímpica, os ximnásticos, que son anelas e barras, e mestúrase con cardio. É un deporte moi completo”. “Recomendo a Regla do 3, adestrar mínimo 3 dias á semana e non estar máis de 3 días sen adestrar”, di Iban.