“A colaboración é moi estreita non é a primeira vez que colaboramos”. A colaboración que manteñen Aspaneps e o IES de Fene facilita a integración de persoas con dificultades especiais e este ano deu como froito este curso a construción dunha peneira destinada á área de compostaxe comunitaria de Aspaneps. Crearon este utensilio dentro dun curso de Aprendizaxe e Servizo. “Tratábase de que os alumnos de FP básica aprenderan o temario a través de facer un servizo á sociedade, o proxecto que nos invitou a facer Xabier”, explicou Santiago Varela. En Aspaneps realizan compostaxe, cultivan a súa propia horta e fan outros traballos como a serigrafía das camisetas que reparte o Concello de Fene no Día do Deporte na Rúa. Agora os usuarios do Centro ocupacional andan cos preparativos da excursión de fin de curso que este ano vainos levar a O Grove.