Cada vez temos máis interese en comer ben, segundo Iria González, que explicou en Radio Fene o labor do dietista-nutricionista na sanidade pública. Na área sanitaria de Ferrol son sete os profesionais incorporados aos centros de saúde desde hai quince meses para loitar contra a epidemia da obesidade. Iria traballa no Centro de Saúde de Fene e ademais da atención a pacientes fai labor divulgativa nas charlas que imparte na Escola de Hábitos Saudables. Este venres falará sobre Mitos contra realidade sobre unha alimentación saudable. A entrada ao acto de balde. Organiza o Centro de Saúde, coa colaboración da Asociación Oncohematolóxica Por Máis Vida e do Concello de Fene. Ás doce do mediodía na Casa da Cultura de Fene.