Até a data completouse a demolición da antiga fábrica da Toja,  os traballos de movementos de terras e realizouse o desvío da liña de rede eléctrica existente na parcela, ademais de obter a autorización para a extensión da rede desde a subestación eléctrica de San Marcos, en Oleiros, até a parcela do futuro centro outlet. O proxecto adecuaráse aos prazos do proceso administrativo de concesión de autorizacións e licenzas, segundo salientan os promotores.

Este novo centro outlet, o quinto da compañía en España e o duodécimo en Europa, foi o primeiro centro retail de España en conseguir a certificación europea ambiental Breeam Europe Retail 2008, que recoñece o deseño arquitectónico sustentable co medio ambiente e os usuarios do centro. O seu deseño arquitectónico caracterízase por un estilo funcional que aforra enerxía e diminúe o consumo de auga. Por exemplo, contará cunha cuberta que proporcionará luz natural para un 35% das zonas comúns e as tendas.

Neinver, nunha estreita relación coas autoridades locais, favorecerá a mellora das infraestruturas ao redor de Factory A Coruña. O desenvolvemento de diversas rotondas e accesos facilitarán a comunicación do centro outlet con zonas de influencia como: A Coruña, Lugo, Santiago de Compostela, Ferrol ou Betanzos. Ademais, coa apertura desta primeira fase prevese que Factory A Coruña xere uns 1.000 postos de traballo directos.

Neinver, unha das principais compañías inmobiliarias europeas, centra a súa actividade nas áreas de desenvolvemento, xestión de activos e xestión de fondos. Ademais, a Compañía promove, xestiona e comercializa grandes complexos que combinan parques comerciais, de lecer e outlets. É actualmente líder en xestión de outlets en España, Polonia e Alemaña, e o segundo operador de outlets de Europa. A Compañía foi pioneira na introdución do concepto outlet en España e Polonia, baixo a marca Factory.

Neinver xestiona Irus European Retail Property Fund, un dos maiores Fondos Inmobiliarios retail pan-europeos de capital privado.

A compañía atópase en plena expansión internacional, exportando todas as súas liñas de negocio a outros países europeos, ofrecendo servizos integrais a todos os seus clientes e facilitando solucións inmobiliarias globais en todos e cada un dos países nos que opera.  Neinver, de capital cento por cento español, está presente en España, Alemaña, Italia, Francia, Polonia e Portugal.