As carautas utilizáronse no Entroido pola comparsa A Santa Compaña de Son Radiofusión. No acto de apertura da mostra agradeceuse a colaboración da Agrupación Instrutiva de Caamouco e da Asociación Veciñal de Limodre que cederon os seus locais. A iniciativa buscaba recuperar o Entroido tradicional, utilizando materiais como palla, xunco e centeo. Fixeronse tamén cordas de esparto para amarrar as máscaras á cabeza. Pinas, conchas, espigas de centeo, follas de millo, cunchas empregáronse na decoración. Usáronse fibras vexetais para a confección das carautas económicas, ecolóxicas e sostibeis. 

Facer cestos é un traballo que necesita o seu tempo, paso a paso, trenzado a trenzado, conectado co ritmo que marcan as mans. Luisa da Silva ten forza e agarimo en todo o que fai. E como di o refrán: O que fai un cesto, fai un cento.

. Fotografía Xan Xe