Mancouse na punta da cola, ten unha ferida, é moi probable que lle caia, pero o cirurxián recomendou que esperemos. Está ben, non ten dor nin infección e fai vida normal. Contounos Noemí Graña sobre ao seu gato faladoriño. 

Xogar con dúas pelotas idénticas. Consello para o titor dun can que se queixa de que non lle devolve a pelota cando xoga con el. 

No caso de dous cans que rivalizan polo mesmo lugar no sofá, “conseguir que compartan é complicado, compartir está moi relacionado coa tolerancia á frustración, tamén en nós”. O problema pode deberse a que os dous queren estar ao lado do titor. Recomenda “felicitar sempre cando fan algo xuntos, cando comparten”. 

Para un can que fai moitos buratos nunha finca, a non ser que haxa toupas a solución pode ser acoutar unha zona determinada na que podemos agochar xoguetes ou cousas que lle gusten para dirixir alí os seus afáns arqueolóxicos.