O secretario nacional de Organización asegurou que “en Compromiso por Galicia afrontamos esta Convención Nacional como un punto de inflexión definitivo, para ofrecerlle á xente unha ferramenta política integradora, e que dende a sensatez política actúe para resolver os problemas dos galegos e galegas, dende unha óptica de máis autogoberno”.

Dúas propostas

En canto á estratexia política a seguir de cara aos vindeiros comicios autonómicos, Manoel Vello informou de que na Convención deste domingo os afiliados e afiliados decidirán entre as dúas propostas que se presentaron. Unha que defende participar nunha candidatura na liña do que foi En Marea nas eleccións xerais e a outra opción que defende a presentación dunha candidatura propia de Compromiso ao Goberno da Xunta de Galicia.

“Estas propostas definen claramente dúas formas de entender a política en Compromiso, sempre dende a óptica do respecto e da liberdade de opinión da afiliación”, resolveu Manoel Vello.