“O máis positivo, que xogaron estes tres rapaces tan novos que dan o nivel, pero descontentos polo resultado final”, balance do adestrador Gonzalo Beceiro dun partido no que tamén xogou a inexperiencia. “Comezamos dun xeito formidable, con bastantes baixas que cubrimos con tres xuvenís, un deles Diego tivo a sorte de marcar un gol moi bonito”. O segundo tanto do Perlío B chegou “pouco máis tarde, novamente obra de Diego, a primeira vez que xoga con nós”. Pero avanzado o partido mudaron as tornas “eles subiron bastante o nivel e nós non mantivemos o inicial, con 2-0 non se che pode escapar”, lamenta o adestrador que si celebra a vitoria do primeiro equipo e agarda superar a mala dinámica na próxima xornada contra o Mandiá.