“As mulleres no rural sempre fomos o piar da familia e a día de hoxe tamén das actividades económicas”, asegura Noelia Rodríguez. Pero, igual que na zona urbana, a conciliación é un grande reto para as mulleres que viven e traballan no rural. Un problema agravado pola carencia de transporte público. “Moitas aldeas non contan con garderías nin puntos PAI, é moito máis complicado encontrar residencias para os maiores e xente que te axude se non ten vehículo propio”, lamenta Noelia que tamén sinala outros problemas como o sanitario. “Moitos centros de saúde carecen de pediatra e os nenos non teñen calendario para enfermar”. Deixounos tamén unha mensaxe positiva sobre o papel das mulleres rurais. “Parece que traemos a alegría ao rural, máis creatividade, diversificamos e animamos aos homes a que diversifiquen”.