A partir das catro haberá pasarrúas pola parroquia a cargo de “Os de sempre” de Barallobre. E ás dez da noite, saúdo das vésperas das festas. Para o luns, día 24, anúncianse pasarrúas desde as catro da tarde coa “Charanga da Carmiña”. O día grande, o martes 25, oficiarase unha misa solemne ás doce e media. Ás dúas da tarde exhibición de foguetes de artificio e posterior actuación da Orquestra Pontevedra que tamén protagonizará a verbena, desde as dez e media, xunto co Grupo Bahía de Vigo. E o mércores, 26, festa na honra da virxe do Carme. Con procesión a partir das dez e media. Sairá da igrexa ata o peirao acompañada dunha banda, para iniciar o percorrido pola ría en lanchas que chegarán a Navantia Fene Rematada a procesión terá lugar a tradicional misa. Ás dúas, exhibición de foguetes de artificio que irán seguidos dunha actuación do grupo Pasión de Narón. A verbena comezará ás dez e media. Estará amenizada polo grupo Pasión e pola Orquestra Furia Joven.

Na imaxe, festas dos Santos de Perlío (Fotografía Xan Xe)