Despois desta xuntanza, Rosa Quintana expresou a satisfacción porque dende as institucións europeas entenderon as necesidades da flota e estase valorando a adopción de diferentes medidas a curto e longo prazo. A conselleira do Mar fixo tamén incidencia nas repercusións económicas que  as medidas adoptadas pola Unión Europea causaron na flota de arratre galega.

Quintana presentou así mesmo os informes elaborados pola Xunta de Galicia e a Universidade de Santiago sobre a existencia de dous stocks diferentes deste peixe e polo tanto a necesidade de dous tratados distintos. Esta diferenciación podería significar que se amplíe a cota. Na zona norte o peixe capturado úsasa para uso industrial e para a fabricación de penso de peixe, mentres que na zona sur o lirio capturado é para a venda en lonxa e consumo humán.
As representantes da Xunta e o goberno central propuxeron onte que se elevara a cota do lirio en 1300 toneladas para a flota do cantábrico – noroeste. Esta medida permitiría ós barcos capturar no sur unha cantidade de stock pesqueiro que actialmente está asignada á zona norte, onde o lirio que se recolle se destina a fariña de pescado e non á pesca para consumo humán. Este incremento de Total Admisible de Capturas (TAC) será realidade de os 27 ministros de pesca da Unión Europea ratifican esta decisión nos próximos congresos.