“Feito polo esforzo da emigración fenesa en Cuba”, lembra Manuel Polo. O edificio foi inaugurado en 1916. “Un exemplo bonito” da xenerosidade dos emigrantes que “buscaron traer a educación”.  O inmoble “necesita unha reforma integral na cuberta” e a iso se vai destinar un investimento de algo máis de 63.000 euros e tres meses de traballos. Coa substitución integral da cuberta proxéctase resolver os problemas de filtración nun edificio que leva en pé máis dun século. O investimento total ascende a 63.262,35 euros, dos que a Deputación da Coruña achegará 50.609,88 euros dun programa de axudas aos concellos para a protección especial sobre o patrimonio cultural público ou de xestión municipal. O prazo estimado de execución dos traballos será de tres meses, unha vez se proceda á súa adxudicación.