“Traballaron con moito entusiasmo, traballar con estes pequenos é un luxo, non había horario, sempre nos recreos e os martes ao mediodía, quedabamos xantar no centro”, explica Juana Polo, profesora de Tecnoloxía e adestradora do equipo, xunto con Laura e Raúl, docentes do departamento de Matemáticas. Este ano o tema do certame era a enerxía e empezaron traballar non seu proxecto no mes de outubro “pretendemos substituír as bombonas de butano que se utilizan nas terrazas exteriores das cafeterías por un sistema máis ecolóxico, deste modo o que pretendemos é colaborar na descarbonización da atmosfera. Propuxemos un chan radiante alimentado por unhas placas fotovoltaicas. Fixemos hidróxeno verde coas placas solares”. Consultaron con distintos expertos e ata fixeron os cálculos económicos. “Aínda que a investimento inicial é alto, en cinco anos estaba rendibilizado”. Estes escolares de Fene demostran que o futuro é esperanzador cando se inviste en educación e se se pon a intelixencia ao servizo das persoas.