"Se de verdade queremos conservar as nosas industrias de transformación do agro, temos que optar nas nosas compras por produtos galegos e, ademais, etiquetados na nosa lingua. Unha maneira de exercer o galeguismo na vida cotiá." Son palabras dos promotores da campaña Consumogustos, unha iniciativa que pretende fomentar o consumo de produtos etiquetados en idioma galego.