Continuidade de Peña

Continuidade de Peña
04 de Maio, 2026 - 11:28 h. | Publicada por Radio Fene

O adestrador Jesús Peña Criado continuará a vindeira tempada no banco do Perlío na Primeira Futgal.  A directiva mantén a confianza plena no técnico, e confirmou a súa permanencia para a próxima campaña. O club xa iniciou os contactos cos xogadores para perfilar o conxunto. Segundo Peña, a intención é manter a "practicamente todos os xogadores", realizando apenas tres ou catro fichaxes en posicións específicas para dar máis profundidade ao equipo.

ESCOITA O PODCAST:

Conversa co adestrador do Perlío Jesús Peña Criado:

https://redefusion-eu.us.stackstaging.com/audio/040526PENA.mp3

O Perlío viviu onte domingo unha xornada complicada na súa visita ao Oza Xuvenil. Caeu derrotado por un contundente 7-0. O encontro comezou con certa igualdade nos primeiros quince minutos, pero o primeiro gol local descolocou ao Perlío. Segundo explicou Peña, o 2-0 no minuto 25 foi o punto de inflexión que fixo que o equipo "baixase os brazos". O adestrador mostrouse crítico coa imaxe dada: "Estamos desgustados porque, aínda que non nos xogamos nada, non queremos que o equipo se renda. Esa non foi a nosa sinal de identidade na tempada e co Oza non competimos" concluiu.

Deportes

Publica o teu comentario agora