Logo da publicación do proceso selectivo no BOP, o Concello de Fene tramitará ante a oficina de emprego de Ferrol (Esteiro) as ofertas de emprego. Como requirimentos, as persoas a contratar deberán ser persoas desempregadas inscritas no Servizo Público de Emprego de Galicia como demandantes non ocupados nas categorías de peonaxe de obras públicas (código 96011029) ou empregada administrativa de arquivos e bibliotecas (código 42101011).

Cristina García, concelleira de formación e emprego de Fene, avanzou que estes contratos terán unha duración de seis meses a partir da súa sinatura, e puxo en valor este programa para “ofrecer unha oportunidade de emprego a cinco persoas ao tempo que contribúe a mellorar os servizos prestados polo Concello de Fene”.

As persoas que desexen obter máis información poden dirixirse á Área de Formación e Emprego “Pancho Allegue”, na Praza Ramón Souto s/n; no teléfono 981 492 767 ou no correo electrónico orientacion.laboral@fene.gal.