“As nosas expectativas previas, igual que as nosas crenzas, condicionan a experiencia deses días”, destaca Barcia Tuccelli. O Nadal é tempo de excesos. Polas paparotas, o exceso de doces e alcol, polo tempo que pasamos sentados á mesa ou tirados nun sofá mentres tentamos facer a dixestión. Convén ser conscientes diso para gozar das festas con moderación. E tomar nota, tamén, do consello que nos deixou o psicólogo se nas comidas familiares ou de empresa xurde algún conflito entre os participantes. Se queremos evitar as discusións hai que ter en conta que “cada un temos a nosa percepción, aprendamos a respectar o punto de vista”. Cando se produce o conflito, se queremos resolvelo debemos “focalizar no comportamento, non nas persoas, basearnos máis nos intereses comúns”, destaca o especialista.