ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Libraría Carricanta de Betanzos (Rúa José Fariña, 1 – Baixo Dereita) e Baía Edicións convídan á presentación do poemario "Resina de poliéster", do artista plástico e escritor, Xabier Correa Corredoira. O acto será mañá venres día 5 de xullo, ás 20:00 horas. Ademais do autor, intervirá a escritora, ensaísta e dinamizadora cultural Yolanda Castañ
Breve comentario sobre a obra (do Prólogo de Lino Braxe)
Este libro de Correa Corredoira, o meu amado pintor, é un libro de entrega á causa da vida, de dádiva á dignidade da especie humana e das outras especies. É un documento, un pergameo que se manifesta como o testamento dun pensador rebelde, dividido, crebado pola paixón das súas apostas, das súas necesidades, das súas apostas necesarias.
1.ª aposta necesaria
A pintura dálle o espazo diante do mundo. A luz que o trae desde as catacumbas até a superficie de Roma.
2.ª aposta necesaria
O idioma, ese galego tan seu, é o que o converte nun culto sabio aldeán irredutible, apertado a un fresco de Miquelangelo Buonarroti.
3.ª aposta necesaria
O seu amor polos outros pintores, polos outros poetas, transfórmano nun pintor que escribe e nun poeta que pinta. Isto é, nun artista que é quen de ollar o mundo desde a atalaia da admiración polo alleo e polo propio.
4.ª aposta necesaria
O seu alarido por esta civilización enferma, lévao a contemplar e denunciar un tempo delirado. Esa España á que lle pesa a cruz mentres o destino de África lle dispara a indignación. Os voitres da política, as torres do diñeiro, van criando unha ruína colectiva que o asfixia e que o invita a unha danza macabra. A danza das guerras e das mortes de inocentes que dilatan o seu corazón.