Críticas e disfraces no último dia do Entroido de Fene

Críticas e disfraces no último dia do Entroido de Fene

18 de Febreiro, 2010 - 12:00 h. | Publicada por Radio Fene

Ainda que non vos aturades / Iván Puentes se te atreves / dalle un toquiño a Moreda / Pra que remate o que queda. Esa é unha das rimas do Testamento do Entroido deste ano 2010, aludindo ás beirarruas da estrada provincial de Barallobre. O xornalista Pichi Varela deu lectura aos versos de despedida do Antroido nunha Praza do Concello chea de comparsas, disfraces individuais e público.

Os premios ás máscaras individuais foron para O Afiador e A Coelliña. En parellas gañaron Pilarita e Sarai, Ate que a morte nos separe e as Señoras de Palmirez. O mércores de cinza congregou en Fene a 14 comparsas procedentes de toda a comarca.

 

Despois da lectura do Testamento, queimouse unha falla que simbolizaba o libro "Fene vai de entroido", presentado a pasada semana. A orquestra Os Trovadores púxolle o ramo á festa con 2 horas e media de música de baile.

Sociedade