Traballan para construír comunidade. O Centro Sociocomunitario ofrece actividades e servizos a cidadáns maiores de 16 anos. Sexan maiores ou novos, de Fene ou de calquera outro punto de Galicia, poden inscribirse nas súas actividades ou facer uso de servizos como biblioteca, cafetería e punto de lectura. Tamén facer ioga, pilates ou ximnasia. A programación especialmente deseñada para maiores ofrece actividades de desenvolvemento mental, para traballar a memoria ou coller habilidades no manexo do móbil e o ordenador. E o máis novidoso da programación son as actividades de ámbito emocional. Organizan unhas xornadas de benestar, a partir deste trimestre ofrecerán unhas sesións de relaxación e queren montar un grupiño de apoio mutuo para momentos difíciles da vida, porque hai moitas persoas maiores e cómpre ter un espazo onde poder expresarse”, anunciou en Radio Fene Paula Vázquez.