O ano pasado non houbo marisqueo no período do confinamento e ademais na actualidade o 80% do produto procede dos bancos marisqueiros de Sada, polo esgotamento dos bancos da ría.  Unha comisión con participación das confrarías e das institucións reunirase mañá mércores ás 10,30 da mañá na confraría de Barallobre para iniciar un estudo das causas da diminución do marisco. Coa colaboración da estación biolóxica mariña da Graña quérese abordar unha investigación científica dos parasitos do bivalvo, a influencia da contaminación e das variacións da temperatura na auga. As confrarías demandarán tamén a eliminación da escolleira das Pías, a súa transformación en ponte de banda a banda para permitir a libre circulación das augas e recuperar a vida en amplas zonas da ría..