As últimas analíticas, coñecidas polo Concello de Ferrol á primeira hora da tarde deste venres, reflicten un descenso nos niveis de trihalometanos, pero estes seguen sendo elevados nalgúns nós da rede de subministración. Así, fontes municipais da urbe naval concretan que nos puntos de entrega a Narón e Fene chégase a 98 e 96 microgramos por litro, respectivamente.
Mentres, no barrio de Ultramar alcánzanse 106 microgramos por litro, 114 en Recimil, 104 en San Felipe e 102 en Caranza, polo que en todas esas áreas supérase aínda o límite permitido legalmente de 100 microgramos. A ligazón co complexo acuático de Ou Castro, en Mugardos, queda en 102 microgramos e o tamén mugardés da fonte de Peteiro en 76.